Mastru Bentu

Non so persone bona e galana
Dae custu mundu non so addirida
Sen’abba so che pische dae una bida
Totu m’est istrintu e m’achet gana

Comente so gia’ l’ischint(i) sas predas
chi, lentas, m’ammentant de amodigare
Pro andare cosas apo a pistare
e l’incarcare su pee bortas medas

Su nùmene meu connoschet su bentu
L’abòchinat forte totu su note
E tue chi leghes lu depes ischire

chi cussas boghes mi daent alentu
pro chircare cal’est sa mea dote
e finamentas, a sero, dromire.